Ururka waqooyiga Yurub ee Hiiraan (Hiiraan Nordic Comm)

Hiiraan Post: Al-Shabaab oo tagay B/Burto (Hiiraanonline)

Jaaliyada reer Hiiraan ee waqooyiga Yurub ayaa soo qaaday iney kaalmo ka geystaan dib u dhiska wadooyinka Hiiraan.
Go'aan oo buuxo waxaa uu soo bixi doona marka ay gudigaa dib ula noqdaan arintaa wadamadii ay ka soo jeedaan.

Ururkan oo ah mid ay u badan yihiin halqabiil ayaa la soo qaaday in ay haboon tahay balaarinta howshan oo ay dhamaan reer Hiiraan ka wada qaataan.

• Hiiraan Post: Shirkii Jaaliyadaha Hiiraan ee wadamada waqooyiga yurub (Nordic)
• Shirka jaaliyadaha Hiiraan ee Nordiga Yurub 6.12.08 .
• Jaaliyada Xawaadle Nordic HANAB oo deeq lacageed oo gaareeysa 8000 $ (Hiiraanweyn.com)

Jawaabtii Xildhibaan Ali Ganey

Hiiraan Post:

*** Somalia: largest cities and towns and statistics of their population***

Waxay ilatahay Qabiilka waa u dhalasho kursigan jihaad iyo shaqo ayuu kuyimid u jeedadii shaqadaas iyo jihaadkana maaha midgaaban ee waa midheer.

Sidaasdarteed inta hada iska dhigaysa inaad Xalkii Qabiilka haysaan ee inaga weerareysaan been iyo khaa,innimo ayaad halkaan ku haysaan ama wax aydaan tabcan siloocuno ayaad hore u barateen.
Waayo waxaan idiin sheegay wixii aan ku soo arkay Hiiraan inay ahayd wax magac maamul leh hadana aad uliito sababtana Mocow leeyahay.
Maxaa idiin diiday inaad xalka abaartaan hadii aad Hiiraan Xal u haysaan?.

Arintu sideedaba waa 2 qodob ee haku mashquulina meelkale.

1.Wasaarada Arrimaha Gudaha iney soo farageliso Gobalka Hiiraan xalka makujiraa mase kumajiro?

2. Maxaa hortaagan in Hiiraan hesho maamul xalaal ah mase helikaraa ?

Hadaydaan xalinkarin maamulka Hiiraan cida kaliya ee Hiiraan umaqan inay wax u qabato waa Wasaarada Arrimahaha Gudaha ee Dowlada Midnimo Qaran maxaa yeelay 1991-09 maamulka Hiiraan leysku horfadhinmaayo been dambe iyo tuugonimo waa dhamaatay dib How laabaninaaa
Oslo Xildhibaan
( Ali Ganey )

Su'aalo ku socdo Xildhibaanada Hiiraan

Hiiraan Post:
Mudaneyaal:
Waxaan runtii aad uga xumaaday labo arrimood oo aad ka dhawaajisay:

1. In Wasaaradda Arrimaha Gudaha ay Hiiraan u magacowdo maamul sidii dowladdii C/hi Yuusuf yeeli jirtay, oo adigoo xildhibaan Hiiraani ah aad arrintaas taageersan tahay intii aad ka dhiidhin laheyd.
2. "anigaa tacbaday, waa xildhibaannimada e.
Marka walaal waxaan jeclaan lahaa inaad inooga jawaabtid su'aalaha aan ku soo gudbiyay qoraalkeygii hore oo aan hoos ku soo koobay, adigoo mahadsan.

Adiga xildhibaan ahaan ma aaminsan tahay in aad reer Hiiraan. maadaama wax lagu qeybsaday 4.5 oo ah qabiil qayaxan oo aan inagu nahay your CONSTITUENCY? Mase waxey kula tahay inaad adiga tacbatay xilka aad heysid (waa sida aad adiga u dhigtaye) cid kugula xisaabtami kartaana aysan jirin?

Haddii ay jawaabtu tahay HAA, fadlan nooga jawaab su'aalahan soo socda adigoo mahadsan.

Haddii ay jawaabtu tahay MAYA, fadlan ina dheh MAYA adigoo raalli ah.

1. Mudane xildhibaan, miyey wali kula saxan tahay in Wasaaradda Arrimaha gudaha ay Hiiraan u magacowdo guddoomiye kale? ama ay amar siiso maamulka Gobolka Hiiraan? Sidii dowladdii C/hi Yuusuf ay inoogu magacaabi jirtay cidii ay doonto.

2. Mudaneyaasha reer Hiiraan wali ma isku dayeen in dhaqaalaha dowladda dhexe soo galay qeybtii Hiiraan loo gudbiyo gobolka? Maaddaama wixii Soomaaliya la siiyay loo baahan yahay in loo qeybiyo wadanka oo idil. Mase jirtaa talo mideysan oo dhamaan xildhibaannada reer Hiiraan ay usoo jeediyeen Guddoomiye Mocow oo uu diiday?
3. Markii sida aad sheegtay uu Guddoomiye Mocow noqday talo diid, ma la xiriirtay odayaasha iyo waxgaradka beesha? Go'aan cadna ma ka yeesheen arrinkaas?

4. Sidoo kale ma isku dayi doontaa in Wasaaradda Arrimaha Gudaha ay saxdo maamullada Puntland, Somaliland, J/Hoose, Bay iyo Bakool? iyo maamullada gobollada waddanka oo dhan. Mase arrinkan wuxuu u gaar yahay Hiiraan oo kaliya? Xildhibaannada gobollada aan soo magacaabay gaar ahaan reer Puntland ama Somaliland fikraddaas ma aqbali doonaan?

Mahadsanid

Warsame.Toronto

Muqdishu iyo dalo ay dad ku ladeen

http://www.bbc.co.uk/somali/news/story/2009/03/090327_dagaal_muqdisho.shtmlMuqdisho oo kooxo Soomaaliyed ay ku daglamayaan. Waxa adkaatay in mar walba lasiiyo magacyo.dagaalkaa ayaa kalifay in ku dhow 6 ruux oo shacab ah

Wasiir Soomaali oo Qarax miino ka badbaaday.

Hiiraan Post:
Wasiirka arimaha SH C/Qaadir Cali Cumar oo ka badbaaday qarax ka dhacay degaankiisa ku dhow Suuqa Bakaaraha.
Dowlada dhaxe oo ah mid aad u liidato ayaa sheegin tilaabada ay qaadi karaan amniga caasimada,Xaalada duug oo degan.

Ganacsato Soomaali ah oo suqyadii Kenya ka kulmay dhibaatoyin

Hiiraan Post:
Maanta 25.3.2009 ayey xasiloon tahay Goobihii ganacsiga Soomaaliyeed ee keynta.

Dhaawacyo ayaa jiray oo soo gaaray Soomaalida ka dib markii uu muran ka yimid dhismo ay Soomaalida ay iib satay oo ah Global Ciema oo ah Farasmagaalha Nairobi.

Kadib markii ay ciidanka nabadsugida iyo Soomaalidii iib satay ay ku dhaqaan baneyta goobahaa
ayaa keenta caro dadkii halkaa deganaa.
Halkaa waxaa ka bilowday dhagax tuur iyo boob.
Wax reer Hiiraan ah oo dhibaato soo gaartay ilaa hada lam kulmin.
Janaale -Nairobi

Sagaal Ruux ayaa geeriyootay shil baabuur

Sagaal Ruux ayaa geeriyootay iyo dhaacaw badan ayaa ka dhashay shir gaari oo ka dhacay igagaarka Dagemada Maxaas ee Hiiraan

Gaarigani ayaa yimid kadib dhinaca Babataan.

Waxaa la aaminsan yahay in shilka uu yimid kadib markii darawalkii gariga uu hurdooday  taasina ay dhalisay rogmashada gaariga.

Gaariga waxuu ka tagay magaalada Gaalkacyo oo uu ku soo jeeday magaalada Muqdisho,waxaana siday sidala sheegay  uu sheegay fuustooyin Faaruq ah.

Ma’ahan markii ugu horeeysay ee shil sidan oo kale ah uu ka dhaco wadooyinka gobolada dhexe,waxaana inta badan lagu eedeeyaa wadayaasha gaadiidka in aysan tix galin buuran siinin dadka rakaabka ah iyo weliba iyagoo aan aqoon duruqsan u leheyn wadida gaadiidka.

 
Waxaa jirtay maamihii la soo dhaafay in dad weynhay hiiraan ay dhaqaalo faro badan u aruuriyeen sidii wadooyinka loo dhisilahaa, arintaa waxaa ku soo siyaaday in loo baahay yahay shirciyo adag oo ah gaadiidka.

HiiraanPost

Xaalada caafimadka Buulo Burto

Magaalada Buulo/burto waxey laheed labo rug oo caafimaad waxaa loogu
imaan jiray in ka dheer 100Km.
Maagalada dagaalkii sokeeye ka dib waxaa ka jiray isbitaal la'aan iyo
rug caafimad ah oo wax tar leh,
dadka ku dhaqan agagaarka magaaladaa ayey hay sataa caafimad xumo aad u
ba'an, oo runtii ay ugu badan tahay dhalmada haweenka.
Buulo/burto waxey aheed meeshii ay ka soo baxeen aqoon yahanadii
Soomaaliyeed iyo siyaasiyiintii xurnimada u dirirka aheyd.
Maanta Hiiraan /buuloburto waxey u baahan tahay caruurteedii.

UGAAS KHALIIF ORPHANAGE CENTER

...

XAFLAD BALLAARAN OO MAANTA LAGU QABTAY XARUNTA UGAAS KHALIIF ORPHANGE CENTER EE MAGAALADA BELEDWEYNE. Xafladddan oo si aad ah loo soo agaasimay aadna u heersarreysay oo lagu qabtay galabta xarunta agoonta ee Ugaas Khaliif ee Magaalada Beledweyne, waxana lagu dhoweynay oo isla galabtaba la xereeyay 50 canug oo ay si gooni ah u kafaalo qaadday Guddiga Taakuleynta Agoonta Soomaaliyeed ee Muqdisho. Guddigan oo ka kooban dad Muxsiniin Somali ah ayaa waxa uu sameysmay xajkii dhowaa ee sannadkii hore, xilli ay gudanayeen waajibaadkooda xajka ee waqtigaas. Xajkaas oo ahaa mid uga duwan dadka Somaliyeed muddadii 20ka sano kudhoweyd ee dalkuu burburka ka jiray noociisan oo kale ayaa waxa sameysmay guddi Somalikyeed oo isku kalsoon hal meel kaiyana ay ka wadafulaan arrimahooda sida waddan dowlad leh oo kale ah dadkuna uu isku duubnaa. Haddaba sababta ugu weyn ee keentay inay sameysanto guddigan oo kale, isla markaana ay ka shaqeeyaan wanaaaga ayaa waxa sabab looga dhigayaa muwaafaqada Xujaydii sannadkii dhowaa soo xajiayay oo isku duubnaa. Ugu horreyntii waxa khdubad dheer oo warbixn iyo soo dhoweyn ahba halkaas ka soo jeediyay Shariif Aadam Amiin oo ah Maamulaha Kulejka oo si aad ah uga warbixiyay qaabka ay ku yimaaddeen caruurtan cusub iyadoo kuwii hore lala daala dhacayo, waxana uu ku sheegay in carruuntan cusub kafaaladdooda ay qaadeen Guddiga taakuleynta Agoonta Soomaaliyeed ee Muqdisho, Gobolka Hiiraanna uu helay nasiib u helay tiradan, balse agoontii hore ugu jirtay xarunta ay sidoodii hore uga sugayaan qorshahooda Jaaliyadihii iyo Shakhsiyaadkii awalba gacanta ku hayay, oo kaliya meel la'isugu keenay waxbarashada iyo cunnadooda, Jiifkana loo kireeyay guri ku dhegan kollejka. Sidoo kale, waxa halkaas ka hadlay oo khudbad aad iyo aad u qiimo badnayd, kuna saabnayd taakuleynta agoonta faa'idada farahabadan leh ee ay leedahay halkaas ka soo jeediyay Sheekh Isxaaq, oo runtii si aad ah ugu dheeraaday una faah faahiyay sida loogu baahan yahay in la taakuleeyo carruurta agoonta ah. Axmed Duurdage oo ku hadlayay magaca MMI ayaa isagana halkaas hadal soo dhoweyn iyo baraarujinba leh ka soo jeediyay. Al-Ustaad Adam Axmed Max'ed oo ku hadlayay magaca maamuleyaasha iyo macallimiintii ka soo qeybgashay kulanka manta ayaa waxa uu hadal dardaar ah oo aad u nuxur badnaa u jeediyay macallimiinta kollejka oo uu uga digay inaysan dayacin carruuntaas agoonta ah oo ay waxbaristooda xil iska saaraan, ardaydadana waxa uu uga digay inaysan noqon abal dhaan oo ay ogaadaan inta qofood ee u taagan waxtarkooda, macallinkuna uu ugu horreeyo. Gabagabadii ayaa waxa markale hadal dardaaran ah uu u jeediyay maamulaha Kollejka Ustaad Sharif Adam, oo kula dardaarmay ehelda carruurta inay si dhaqsaha ugu soo celiyaan kollejka kaddib maalmaha fasaxa ee wiigga gaar ahaa Jimcaha sabtidu soo gelayo in ardayga loo soo hoyo xarunta kollejka, si uu duruusta aroorta sabtida ah wax uga qaato, oo aysan dhicin in ay caruurtu habeenkaas habsaamaan kaddibna duruustu dhaafto subaxnimada Sabtida. Ugu dambentii waxa soo gebagebeeyay xafladdii maanta, Ugaas Cali Xasan oo halkaas haddallo duco iyo mahdcelin isugu jro ka soo jeediyay. Aden H Bashir adanuu68@yahoo.com Beledweyne

NIN HABEENKII19.3.2009 LAGU DILAY FARLIBAX

NIN XALAYTO LAGU DILAY FARLIBAX

Nin dhallinyaro ah oo la oran jiray Ilyas ayaa xalayto goor dambe lagu dilay bar Kontarol oo ku taala tuulada /Farlibax ee G/Hiiraan. Dilkan ayaa waxa lagu macneeyay inuu ahaa mid aano Qabiil ah oo dabajoogay nin dorraad ku geeriyooday tacshiirad ay isweydaarsadeen qaar ka mid ahaa Jabahtul Islaam iyo saraaakiil ka tirsan MMI oo uu hoggaaminayay nin  layiraahdo Cabdi Qooreey oo ay beel hoosaad isu xigeen marxummka xalayto la dilay, oo sida la sheegay loogu aaneeyay dilka ninkii ku dhintay is rasaaseyntas.

Ninkan la dilay ee ah Ilyas ayaa waxa uu ahaa wade gaari xamuul ah oo ka shaqeeya Ethiopia iyo gobolka Hiiraan, oo ay muddo 20 sano ka badanna ay is yaqaaneen ninka xalayto dilay oo isagoo markii ay isa salaameen kadibna uu siiyay xoogaa lacag ah oo qaataan Kontarolka, ka dabayimid dabadeedna dhabarka rasaaska uga furay, isada ay ii xaqiijiyeen dad goobjooge yaal ahaa oo gaariga saarnaa oo ay ka mid ahayd Hooyada ninan la dilay, wacayna tiri ninkan kama filaynin inuu aano qabiiil u dilaayo willkayga. 

Allaha u naxariistee Ilyas ayaanan waxba kala socon waxa ka dhacay Beledweyne iyo cidda mowqif diineed iyo mid siyaasadeed ku heshiineysa ama ku kala tageysan, waxana la dilay isagoo ay la socdaan, Hooyadiis, Xaaskiisa iyo Carruurtiisa, waxana uu u dhintay nooc aano ah oo aanan wali waddanka Hiiraan horay u soo marin, waayo ninka loo dilay iyo isaga marka la'isu eego khaanadaha ama meelaha ay bulshada kaga kalajireen. 

Ma jiraan wax war ah oo ka soo baxay beesha degta Farlibaax ee G/Hiiraan oo ku aadan dilka marxumkan oo runtii saameyn  weyn ku yeeshay manta Beledweyne. Sidoo kale ma cadda waxa ay yeeli doonaan beesha uu ka dhashay marxuumkan geeriyooday.

Aden H Bashiir

Beledweyne

Safarkii Buundoyinka Hiiraan.

Hiiraan Post:

Waxa maanta howl safar indho indhayn ah, oo loogu kuurgalayo xaaladda qaar ka mid ah buundooyin burbursan oo bartamaha buundada ka goo’goay kana samaysmay godad waaweyn oo ay shilal badani ku galeen gawaari farabadan oo iyagoo aanan filaynin afka u galay godadkaasi.

Si haddaba loo baajiyo khasaaraha shilalkan loona dayactiro guud ahaan waddada iyo gaar ahaan buundooyinkan sida ba’an u burbursan, ayaa waxa howshan iska kaashanaya dhammaan qeybaha kala duwan ee bulshada reer Hiiraan ee ku kala nool dibedda iyo gudahaba,

Waxana hoggaanka howsha u haya Ugaas Cabdiraxmaaan Ugaas Khaliif.

Safarka manta ayaa ujeedadiisu waxay ahayd in ay indhahooda ku soo arkaan khasaaraha ba’an iyo heerka burbur uu gaaray.

Safarkan ayaa waxa soo qaban qaabiyay A/asiis Cilmi Xiireey iyo Siciid Cabdi Max’uud "Sanka" oo uu weheliyay Eng Cali Xaaji Shirwac oo ah madaxa mashruucan dib u dhiska waddooyinka,

Eng Cali Xaaji Shirwacayaa waxa uu ka warbixiyay ugu horreyntii dhismaha buundada Xujuub oo ahayd buundadii geerida, kaddib markii ay gawaari badani ku rogmadeen goor habeen ah,
Kaddib waxan uga sii gudubnay dhowr buundo oo ayaguna halis weyn ugu jira inay go’aan.

Sidoo kale waxan sii marnay tuulo yar oo la yiraahdo Max’ed Xasan oo dadka dagaanka daggani uu qatay ceel biyo macaan, dad iyo xoolaba ay ka cabayeen halkaasi oo ay wadeen howl ay dhismo ugu wadeen barkadaha ay xooluhu ka cabbaan.

Ceelkan ayaa runtii ahaa mid si aad ah loogu baahan yahay waliba gaar ahaan xilligan lagu jiro jiilaalka kulul.

Mid ka mid ahaa odayaasha howshan ceelka si gooni ah ugu ololeeya ayaa ii sheegay in ay wax biyo ah ugu dhow yihiin wabiga oo halka ceelka laga qodayo u jiro ugu yaraan 8KM, loogana bixi doono mustaqbalka dhow fogaanta biyaha dad iyo duunyaba ay ku nasan doonaan ceelkan.

Ugu dambeyntii C/Casiis Elmi Xirey iyo Siciid ayaa waxay ballan ku qaadeen inay farrintan si toos ah ugu gudbin doonaan dhammaan dadka Somaliyeed eek u kala nool dunida dacaladeeda, gaar ahaan reer Hiiraan, isla markaasna ay albaab walba u garaaci doonaan si looga miro dhaliyay howshan muhimka u ah bulshada.

Aden H Bashir
Beledweyne
Somalia

Warar cusub oo ka soo baxaya dagaaladii B/weyn 17.03.2009

Hiiraan Post:
Warar cusub oo ka soo baxaya dagaaladii shalato ka dhacay beled weyne ayaas heegaya in ay ay dhimashadu gaarayso hadda 2 qofood kaddib markii uu u geeriyooday dhaawacii ka soo gaaray shalayto mid ka mid ah laba qofood oo rayid ahaa oo halkaai ku dhaawacmay dagaalkaas.

Sidoo kale ma jiraan ilaa iyo hadda wax dagaal ah oo dhacay kaddib shalayto xaaladduna ay deggan tahay.

Waxa jira warar soo baxaya oo ku dhow dhow Jabhatul Islaam oo sheegaya inay jiraan muran ku saabsan saraakiil hore uga tirsanaa Jabhatul islaam oo ku soo Biiray MMI iyo kuwii hore uga tirsanaa Jabhatul Islaam oo uu murankoodu isu beddaly haatan gacan ka hadal iyo shaki soo kala dhexgalay isu socodka ama dhaqdhaqaaqa gaadiidka ciidanka ee loo yaqaan Teknikada ay wataan saraakiisha labada dhincaba.

Waxa aad u yar rajada laga qabi karo inay socdaan wadahadallo hoose ama kuwo la iclaamiyay oo lagu baajinayo khasaare kale oo ay dhaliyaan dirir mar kale uga dhexqaraddo ciidankan
Waxan caddeyn oo aan la saaalaan karin in ay dhici karaan wax dagaal ah oo kale iyo inkale, arrimuhuse mar walba way isbedeli karaan oo dhan kasta ayay isu rogi karaan marka hoos loo eego xaaladda siyaasadeed ee Gobolka oo aanan sal adag ku taagnayn.

Aden Hassan Bashiir
Beledwyene

Dagaal ka bilowday gobolka Bakool

Hiiraan Post:

Wararka ka imaanaya gobolka Bakool ayaa sheegaya in ka badan 10 qof in ay ku dhinteen dagaal ka dhacaya duleedka magaalada Rab-dhuure oo ka tirsan gobolka Bakool.
Warbixinta Dagaalka
Dagaalkan ayaa wararku sheegayaan inuu deegaankaasi ku dhexmaray ciidamo dawladda KMG ah taabacsan oo ay wataan xubno ka tirsan maamuladii dawladda ee gobolada Baay & Bakool iyo xoogaga Al-Shabaab oo hadda gacanta ku haya inta badan gobolada Bay & Bakool.
Labada dhinac ee dagaalamay ayaa dhinacba si uga hadlay xaaladda jirta, hase ahaatee xiisad ayaa wali ka oogan deegaanka Rab-dhuure ee dagaalku uu ka dhacay

Gudoomiyaha Islaamiga ee Hiiraan oo dagaalkii 17.3.2009

Hiiraan Post.
Gudoomiye SH Cumar Ibraahin Cusmaan Islaamiga ee Hiiraan ayaa dagaalkii 17.3.2009 ka dhacay magaalda B/weyn ku shaagay in uu ahaa gadaalkaa mid ka dhashay is afragwaa soo dhex galay ciiden Feer Feer canshuurka ka qaadayey.

Sidoo kale maamulka B/Weyn SH Cabdi Cismaan (Qooreey) ayaa sheegay in ahaa mid dhex maray ciidanka maxaakimta dhoxdooda.

Galabta saacadu marka ay ahayd abaarihii 3:15 xaafadda H/wadaag ee Degmadan Beledweyne.

Hiiraan Blog
Galabta saacadu marka ay ahayd abaarihii 3:15 galabnimo ayaa si laba filaan ah xabadi uga bilaabatay meelo ka mid xaafadda H/wadaag ee Degmadan Beledweyne.

Dagaalka ayaa waxa sababay sida ay ii sheegeen goobjoogayaal ku sugnaa halka ay xabbadu ka bilaabatay, in jirtay dhul ama Boos bannaan oo ay dhismihiisu muran ka taagnaa, kaddibna halkaasi ay u aadeen inay joojiyaan sii waddida dhismaha dhimaha biiskaas qaar ka id ah saraakiisha amniga ee Midowga Maxaakiimta ee G/Hiiraan, kaddibna tacshiirad la soo huwiyay, kaddibna ay isdifaaceen ciidanka MMI.

Ciidan gurmad ahna markiiba uu gaaray. Khasaaraha ka dhsashay dagaalkan lamafilaanka ah ayaa waxa uu yahay dhimasho hal qof ah iyo dhaawaca laba qofood oo kale, balse ma kala cadda in dadkan dhintay iyo kuwa dhaawaca ahiba ay ku jireen dagaalka iyo inkale. Dhanka kale waxa soo baxaya warar hoose oo sheegaya inuu jiro khilaaf u dhexeeyay beryahanba ama sidii ay cidamada Ethiopianka ah uga baxeen waddankaba shaki ku kala jira Ciidamda Jabhatul Islaam iyo Alshaab oo dhinac ah, iyo MMI oo dhinaca kale ah oo ay waliba ku muransanaayeen qaabka maamulka ee Gobolka oo ilaa iyo hadda wax canshuur ah oo laga qaado ganacsatada aysan jirin kala shakiaas awgiis.

Ilaa iyo hadda ma jiraan wax xaqiijin kara amaanka Suuqa Hiuiwaa ee Xaafada H/wadaag ee Degmada Beledweyne, waxana is taagay isu socodskii magaalda ee Barga iyo dhinac Qorrax u dhaca, waxana ku sii qulqulaya ciidamo MMI xafaddaas H/wadaag bal si ay u qaboojiyaan arrinka mala xoog iyo xeelba. Rasaasta waa ay istaagtay hadda, balse dadku waxay shaki ka miijinaay ammaankooda si ku meel gaar ah ayayna goobahooda ganacsi min hal albaab ugu laabeen, lamana oga waxa ka soo kordhi doona.

Aden H Bashir
Hiran Psot
Beledweyne

Dhismaha Wadada Hiiraan

.

Kulan ballaaran oo ay saakay isugu yimaadeen qaar ka mid ah Duubabka, Odayaasha Dhaqanka, Aqoonyanno iyo xubno ka socda Jaaliyadaha reer Hiiraan ee Qubo joogga ah ayaa waxa halkaas ka dhacday xaflad lagu guddoonsiinayay Dubanka dhaqanka oo uu horkacayo Ugaas C/Raxmaan Ugaash Khaliif, hanti dhan :

1. 110,000,000 (Boqol iyo Toban Milyan oo Shilin Somali ah oo caddaan ah.
2. 167 Loor o Massago ah.
3. 112 Neef oo ari ah.

Dhaqaalahan ayaa waxa soo ururiyay odayaal iyo waxgarad ka socda ama metelaya duubabka dhaqanka oo uu hoggaaminao Ugaas C/raxmaan wakiilna ka ahaa soo ururrinta dhaqaalahan oo laga soo ururiyay beeraleyda iyo Xoolo dhaqatada ku xeeran dhulka miyaga ah ee agagaarka Beledewyne.

Kulanka saakay ayaa waxa ugu horreyntii halkaas warbixin dheer ka soo jeediyay Max'ed Gacamey oo ahaa guddoomiyaha guddigana waxana uu halkaas ku bandhigay shax xisaabeed oo uga warramayo guud ahaan dhaqaalihii soo galay ama ay ka soo heleen dadkii ay u dooneen dhaqaalahaasi oo isugu jiray Nool iyo Mood sida kor ku xusan waxana halkaas lagu soo badndhigay lacagtii caddaanka ahayd ayadoo aysan suurto gal ahayn in xoolaha nool iyo raashinka kale la keeno madasha shirku ka dhacayay o ayad Xarunta Maktabada "Hiran Public Library".

Guddoomiye Max;ed Gacamey oo hadalkiisa sii wata, rajo wanaagsan ka muujinaya waxqabadkooda ayaa sheegay inay howshani tahay middii ay dowladi qaban lahayd annaguna aannu nahay dowlad dowlad sugaysa, oo ma ahin shacan dowlada sugaya ayuu yiri,
Waxa sdioo kale halkaas hadal aad u qiimo badan ka soo jeediyay Cabdi

Cabdulle Juquc oo ah xubin ka mid ah Bulshada rayidka ah, waxa uuna hadalkiisa ku muujiyay sida niyad wanaagga ah ee ay bulshada reer Hiiraan ay hiil iyo hooba ula taagan yihiin waxqabaadka guud, gaar ahaan dhismaha iyo dayactirkda waddooyinka.
Siciid Cabdi Max'uud oo ka mid ah xubnaha jaaliyadaha ree Hiiraan ee ku nool wadamada Yurub oo ay ka muuqato qiiro aad iyo aad u sarreysa ayaa sheegay inuusan marnaba filaynin waxqabda heerkan gaaraya oo ay dadku qabsan karayaan oo aysan wali fara ka qodnayn. Siciid Sanka ayaa waxa uu wacad ku maray isagoo ku hadlaya maga jaaliyadaha reer Hiraan ee qurbo jooga ah iyo maciisa aba in uu Ololle weyn u gali doono howshan dhiirigelinta mudan dhowaan marka uu laabto carriga Ingiriiska oo uu ka soo baqoolay markii hore.

Waxa halkaas sidoo kale warbixin dheer dh bixiyay madaxa mashruucan TAAGEER JIDKA Eng Cali Xaaji Shirwac isaguna ka ah hormuud howshshan ayaa warbixintiisa waxa uu ku sheegay inay u sahansanyihiin ilaa 29 Buundo oo dhammantood u baaahan dayactir qaarna ay dumeen gabi ahaanba dibna loo dhisay gaar ahaan Buundada Xujuub oo ay hadda gawaridaamuulku sida ay doonaan u dul maraan, balse walaaa ugu wweyni yahay Buundad Buulo Burte. Eng Cali Xaaji Shirwac ayaa sheegay inay hadda qorshaha ugu jiraan dayactirka 90KM waddad ka baxda Beledweyne Illaa Garazyani, runtii niyad wanaagsanna ka helay guddiga isxilqaamay ee dhaqaale ururuitna.

Waxa la filayaa inay guddigan markale howl dhaqaale ururrin ah aadaan sla maanta, oo sida ay sheegeen degmooyin waaweyn oo badani ay gacan hatinayaan oo aad moodaba in tartan ku jiraan meelaha lacagaha laga soo ururinayo.

Ugu dambeyntii Ugaas C/Raxmaan Ugaas Khaliif ayaa ka guddoomay guddigan lacagyowgii ay soo ururiyeen iyo hantidii kaleba, waxana uu Ugaasku halkaas mahadnaq iyo ducaba ugu soo jeediyay dhammaan intii ka qebgashay howshan amaba hadda ku jirata oo soo ururiyeen amaba bixiyeenba, ducana ugu daray in ilaahayxoolahaoda u barakeeyo Abaarta iyo Kulalkana uga gargaaro dad iyo duunyaba.

Aden H Bashir
Beledweyne.