Qafaalasho aan cadey oo ka dhacday Hiiraan.

Waxay ahayd goor fiid ah abaarihii 9:15, dadka magaalada ku leh goobaha ganacsigana way sii hoyanayeen,
Hal mar ayaan ku baraarugnay aqal ku yaallo xarunta maamulka gobolka meel ku dhow,dumar iyo dhallinyaro caruur ku soo yaacay halkaa markaana baqanaya,ayaan weydiinnay waxa ku dhacay oo ay la cararayaan, waxay noo sheegeen in guriga laga kaxeystay 3 nin oo uu aabahoodna ku jiro oo ay kaxeysteen 5 nin oo aad u huieysani.

 

Waxan weydiinay aabahood mooyee nimanka labada kale waxay ahaayeen, waxayna noo sheegeen inay ahaayeen niman ka yimid Shilaabo oo arrimo caafimaad u yimad isla shalayto aabahoodana ay qaraabo dhow ahaayeen, balse intaa wax ka dheer oo ay la socdaaan aysan jirin. Waxa nagu adkaatay inaan isla habeenimo aan war ka helno ayadoo saddeda ninna loo watay dhanka galbeed ama Qorax-sin ee magaalda Beledweyne.

Mas'uuliyiinta ammaanka ee MMI oo aan la xiriiray ayaa ii sheegay inay arrinkaas kudaba taagan yihiin, lana soo qaban doono ciddii ka dambeysay arrintan sharcigana la horkeeni doono, sida ay hadalka u dhigeen, makriii aaan weydiiyay sababta ciidan looga dabadiri waayay islamarka uu falku dhacay ayay ku gaabsadeen in goorwalbaba ay tahay in la daba galo cidii faklan geystay.

 

Ma jiraan ilaa hadda wax war ah oo ka soo baxay qafaalashad nimankan cidda ka dambeysa iyo halka ay hadda ku sugan yihiin midna, balse warar ku dhow dhow ehelda dadkan la qafaashay ayaa sheegaya in ay tahay ama dhici kart arrin u gaar ah beesha ay ka soo jeedaan nimankan gaar ahaan dhulka ay ka yimaadeen oo ay colaad ba'ani kala dexyso dowladda Ethiopia.

 

Arrinkan ah qafaalashada ayaa ah mid ku cusub Gobolka gaar ahaan bixitaankii Ciidama Ethiopi kaddib, mana jiraan cid ilaa iyo hadda caddeyn kartahalka loo kaxeeyay nimankan iyo ciidda afduubka u geysatay midna

 

Aden Hasan Bashir

Beledweyne